Prishtinë, 03.07.2020 – Sot në Ministrinë e Ekonomisë dhe Ambientit (MEA) është nënshkruar marrëveshja në mes të Agjencisë së Kosovës për Efiçencë të Energjisë dhe Fondit të Kosovës për Efiçencë të Energjisë. Në ceremoninë e nënshkrimit i pranishëm ishte edhe Ministri i Ekonomisë dhe Ambientit, Blerim Kuçi. Efiçienca e Energjisë konsiderohet nga Qeveria e Kosovës një komponentë thelbësore e planifikimit strategjik dhe ekonomik si dhe për zhvillimin e Kosovës, prandaj është përcaktuar të kontribuojë drejt arritjes së caqeve për EE, duke krijuar për qytetarët stimuj në kursimin e energjisë, por edhe për tregjet e hapura dhe aplikimin e bizneseve të reja për EE teknologjitë.

Bordi i Drejtoreve te Fondit te Kosoves per Eficience te Energjise ne mbledhjen e mbajtur me date 10.04.2020 pas perpilimit te listes se ngushte nga Komisioni per perzgjedhjen e propozimeve me te mira per Logo duke u bazuar ne Konkursin e dates 07.02.2020 ka vendosur sikurse ne vijim:

Marrëveshja për grantin prej 9.4 milionë euro nga IPA 2017 u nënshkrua dje nga BE-ja dhe qeveria e Kosovës, me Bankën Botërore si administrues i besuar. Implementimi i projektit do të fillojë sapo  të tejkalohet situata me përhapjen e virusit COVID-19 dhe do të kontribuojë zvogëlimit të ndikimit të tij negativ në ekonomi. Ky grant do të përdoret nga Fondi i Kosovës për Efiçiencë të Energjisë si kapital për financimin e zbatimit të masave të efiçiencës së energjisë në infrastrukturën publike komunale, përkatësisht në shkolla, qendra të kujdesit shëndetësor, spitale etj dhe do të krijojë vende pune në sektorin e ndërtimtarisë. 

Instituti për Politika Zhvillimore (INDEP) në partneritet me GIZ kanë bërë lansimin e kampanjës “Miqtë e Energjisë” për nder të Ditës Ndërkombëtare të Efiçiencës së Energjisë. Kjo kampanjë organizohet në kuadër të projektit “Promovimi i efiçiencës së energjisë dhe burimeve të ripërtërira të energjisë në Kosovë” që ka për qëllim mbështetjen e Kosovës drejt zbatimit më të hovshëm të masave të efiçiencës së energjisë dhe arritjen e synimeve sipas Planit të Veprimit për efiçiencën e energjisë. Drejtori ekzekutiv INDEP, Burim Ejupi tha se fushata për promovimin e efiçiencës dhe energjisë ndikon në kthime në investime. Drejtori i fondit të emergjencës dhe energjisë Admir Shala tha se fushata ka për qëllim të ndihmojë komunat dhe bizneset që duan të investojnë. “Për herë të parë në rajonin tonë ky fond ka për qëllim të ndihmojë komunat dhe shpresojmë që ky investim do të kthehet shumëfish”, tha Shala.

Kosova është vendi i parë në rajon që ka themeluar Fondin Kosovarë për Efiçiencë të Energjisë me një buxhet prej 17 milionë euro. Ky fond ka për qëllim tu dal në ndihmë komunave në rinovim e objekteve publike.