Në takim të përbashkët në ambientet e Komunës, Drejtori Menaxhues i FKEE Z. Ahmet Ismaili dhe Kryetari i komunës së Mitrovicës Z. Bedri Hamza nënshkruan marrëveshjet për shërbime të energjisë për katër (4) objektet përfituese: Qendra e Kulturës "Rexhep Mitrovica", Shkolla Fillore "Skënderbeu" në Vaganicë, Qendra e Mjekësisë Familjare në fshatin Bare dhe Qendra e Mjekësisë Familjare në fshatin Bajgorë.

Investimet përfshijnë masat e plota të pakos së efiҫiencës (izolim të mureve, izolim të kulmit, ndërrim të dyerve dhe dritareve, instalim të kaldajave efiçiente, ndërrimin e ndriqimit jo efiçient në atë efiçient) me një siperfaqe totale të ngrohjes prej 10518 m2, si dhe kursim të pritur të energjisë prej 1819 MWh/a ose mesatarisht rreth 72% kursim vjetor të energjisë.Vlera e investimit për këto ndërtesa është 1.4 milionë euro, ndërsa investimet pritet të përfundojnë brenda vitit 2023.

Falenderojmë komunën e Mitrovicës se Jugut për bashkëpunimin si dhe donatorët tanë për mbështetjen dhe financimin e projektit.