Me prezencën e Drejtorit Menaxhues Z. Ahmet Ismaili, Kryetarit të Komunës së Malishevës Z. Ekrem Kastrati, Zëvendës Shefit për Bashkëpunim në Zyrën e BE-së Z. Alessandro Bianciardi, Zv. Ministrin e Ekonomisë Z. Getoar Mjeku, Rhedon Begolli – Specialist i Lartë i Energjisë në Bankën Botërore dhe përfaqësues të tjerë të partnerëve tanë, u përuruan masat për efiҫiencë të energjisë në vlerë prej 411,213.50 euro të investuara nga Fondi i Kosovës për Efiҫiencë të Energjisë në Ndërtesën Komunale dhe shkollën "Hamdi Berisha" në Malishevë.

Masat për efiçencën e energjisë që janë zbatuar përfshijnë zëvendësimin e dritareve dhe dyerve të vjetra me ato të reja efiçiente, zëvendësimin e trupave ndriçues jo efiçiente me ato LED, instalimin e rrjetit të ri të ngrohjes, kaldajë me pelet në shkollën "Hamdi Berisha" ndërsa sistemi i ngrohjes me pompë termike në Ndërtesën Komunale.

Vlerësohet se në Ndertesën Komunale këto masa do të rezultojnë në kursime të energjisë në rreth 55% dhe se 91 persona do të perfitojne direkt nga këto investime. Ndërsa në Shkollën “Hamdi Berisha” do të rezultojnë në kursime të energjisë rreth 57% si dhe përfitues direkt do të jenë 1619 nxënës dhe personel i kësaj shkolle.

Falenderojmë Zyren e BE-së, Bankën Botërore dhe Ministrinë e Ekonomisë për mbështetjen si dhe komunën e Malishevës për bashkëpunimin e tyre.